بعد وفاة امك
هتعرف يعنى ايه الاكل اللى بتبلعه بكل سهولة واحيانا بتعايب عليه ناقص ملح او زايد سوى او مش متحمر
ان الاكل ده بيمر بمراح التحضير والتجهيز والسلق والتحمير والتقديم لحضرتك مش بسهولة الكلمه اللى بتقولها او اللقمه اللى بتبلعها
هتعرف يعنى ايه لما تتاخر والوقت سرقك وتيلفونك يرن وتكون هى ملهوفه تسمع صوتك وقلقانه وانت منزعج جدا من المكالمة المزعجه دى
هتتمنى بعد لما تموت امك انك لو تسمع صوتها ولو مره واحده بس
بعد اما تموت امك هتعرف يعنى ايه تنزل وانت متحصن بدعوه منها ان ربنا ما يوجعها عليك و يكفيك شر الطريق وشر ولاد الحرام
بعد اما تموت امك فى حاجات كتير هتحيا جواك ما كنتش تتخيل إنها جواك
حزن وألم وشوق وحنين ويكبر عمرك سنين كتيير بس ف ساعتين
اللى امه عايشه يروح يترمى ف حضنها الاحاسيس الحلوه لو ماتت بتعيش مكانها احاسيس سيئه جدا نتمنى اننا ما نصادفا ف حياتنا ولكنها سنه الحياه
الله يرحمك يا امى😢
ويرحم كل ام😢
تعليقات
إرسال تعليق